Tónlistarmaðurinn Raggi Bjarna rifjar upp þegar hann sá eiginkonu sína, Helle Birthe, í fyrsta skipti, í þáttunum Trúnó sem eru væntanlegir í Sjónvarp Símans Premium. Raggi segir að hann hafi strax vitað að hún væri stóra ástin í lífi hans.
Helle segir að hún hafi labbað inn á veitingahús með vinkonu sinni og þar hafi hljómsveit Ragga verið að spila. Raggi segir að hann hafi strax tekið eftir henni.
„Ég sé hana, og bara, hvort ég hætti að spila eða beið í hálftíma eftir pásu. En ég labbaði til hennar og sagði bara við hana: Heyrðu elskan, ég ætla bara að giftast þér,“ segir Raggi.
„Mér brá svo mikið að ég var orðlaus,“ segir Helle og hlær.
Önnur þáttaröð af Trúnó er væntanleg í Sjónvarp Símans Premium en þar fáum við að kynnast nýrri hlið á þjóðþekktum tónlistarmönnum. Ásamt Ragga Bjarna verða Mugison, Högni í Hjaltalín og Gunnar Þórðason viðmælendur í nýju þáttaröðinni.