Reykjavíkurdóttirin Anna Tara Andrésdóttir hefur boðið upp umdeildasta strap-on landsins á vefnum Bland.is. Anna Tara vill fá að minnsta kosti 40 þúsund krónur fyrir tólið sem varð landsfrægt um síðustu helgi eftir frammistöðu Reykjavíkurdætra í þætti Gísla Marteins á RÚV.
„Þar sem mér þykir mjög vænt um hann er byrjunartilboð 40 þúsund krónur,“ segir Anna Tara í auglýsingunni og bætir við að hann sé 14 sentimetrar á lengd og „afar fagur“.
Sjá einnig: „Erum forvitnar að sjá hversu marga við getum fengið til að labba út á Hróarskeldu“
Anna Tara var með þennan verðmæta strap-on á sér þegar Reykjavíkurdætur komu fram í þættinum Vikunni með Gísla Marteini á föstudagskvöld. Ágústa Eva Erlendsdóttir var á meðal gesta þáttarins og það vakti mikla athygli að hún gekk út á meðan Reykjavíkurdætur fluttu lag sitt, Ógeðsleg.
„Fara úr að neðan, syngjandi: „Tottaðu á mer snípinn“, lappdans með strap-on og kastandi fötum í hausinn á manni. Ekki beint atriði sem maður er tilbúinn að taka þátt í í fjölskylduþætti,“ sagði Ágústa Eva á Nútímanum eftir að hún gekk út.
Nútíminn hafði samband við Önnu Töru sem sagðist vilja selja gripinn til að geta keypt sér annan og stærri í London en Reykjavíkurdætur koma þar fram í næstu viku. „Ég tók svo nærri mér kommentin um að hann væri ekki nógu stór,“ segir hún.
Smelltu hér til að skoða sölusíðuna.
Reykjavíkurdætur frumsýna nýtt myndband í næstu viku. Hér má sjá brot úr því.
Nýtt lag verður frumsýnt í vikunni FANBOIS
Posted by Reykjavíkurdætur on Sunday, March 6, 2016