Rokksveitin Royal Blood, er væntanleg til landsins í sumar og mun halda tónleika í Laugardalshöll þann 19. júní. Sveitin er af mörgum talin ein mest spennandi rokksveit þessa áratugar.
Royal Blood er dúett stofnaður af söngvaranum og bassaleikaranum Mike Kerr og trymblinum Ben Thatcher í Brighton á Englandi. Í tilkynningu frá tónleikahöldurum kemur fram að íslenskir rokkunnendur megi eiga von á góðu.
„Ég þori að lofa að þetta verða magnaðir tónleikar og enginn Íslendingur sem er með einhvern vott af rokki í sér getur látið þetta fram hjá sér fara,” segir Þorsteinn Stephensen tónleikahaldari.