Safaríkur misskilningur í fréttum af booztsölu, kortin hafa selst fyrir 11 milljónir ekki 100

Auglýsing

Fréttir dagsins um stjarnfræðilega sölu á inneignarkortum á Boozt-drykki eru byggðar á misskilningi. Sölutölurnar inni á aha.is sýna selda drykki en ekki seld inneignarkort, samkvæmt upplýsingum frá vefnum. Íslendingar eru því búnir að kaupa boozt fyrir rúmar 10 milljónir á vefnum en ekki 100 milljónir, eins og Nútíminn greindi frá í dag.

Framsetningin á aha.is er nokkuð villandi þar sem verið er að selja inneignarkort en talan á vefnum telur selda drykki. Inneignarkortið er upp á tíu drykki sem þýðir að það er hægt að deila í heildartöluna með tíu og komast þannig nær sannleikanum.

Þegar þetta er skrifað hafa því 2200 kort elst — um 22.000 drykkir. Heildarsalan er því tæpar 11 milljónir.

Með því að kaupa kortið fær fólk drykkinn á Booztbarnum á 499 krónur í stað þess að borga 1.195 krónur. Afslátturinn er því 58 prósent. Á vef aha.is kemur fram að tilboðið hjálpi fólki að komast aftur í form eftir hátíðarnar.

Auglýsing

„Booztið er framleitt úr besta fáanlega hraéfni: skyr.is, ávöxtum og nýpressuðum safa úr ferskum ávöxtum og grænmeti,“ segir á vefnum um drykkina.

Fitulaus hollusta eins og hún gerist best, full af orku og næringu. Þú ræður hvort þú notar allt inneignarkortið í einu eða færð þér stakan drykk í hvert skipti, allt eins og þér hentar.

Kortin gilda til 30. apríl á þremur þjónustustöðvum N1: Í Borgartúni, Ártúnshöfða og Hringbraut.

Áhuginn á inneignarkortunum minnir á æðið þegar ostborgari á Metró var boðinn á 99 krónur á vefsíðunni Hópkaup í mars 2012. Þá seldust 51.839 hamborgarar á 72 prósent afslætti.

Auglýsing

læk

Ummmmm...

Instagram