Jólauglýsing bresku verslunarkeðjunnar Iceland hefur verið bönnuð fyrir að vera of pólitísk. Auglýsingin var gerð í samstarfi við Greenpeace samtökin en í henni er fylgst með órangútan og eyðileggingu regnskóga af völdum pálmaolíuframleiðanda.
Auglýsingasamtökin Clearcast í Bretlandi, töldu auglýsinguna stangast á við lög sem banna pólitísk skilaboð í auglýsingum. Fyrr á árinu varð Iceland fyrsta verslunarkeðjan í Bretlandi sem bannaði pálmaolíu úr sínum eigin vörum.
Breska leikkonan Emma Thompson talsetur auglýsinguna sem er ansi áhrifarík. „Við teljum þetta vara merkilega sögu sem þarf að heyrast. Við vissum að það væri möguleiki á því að þetta myndi gerast en við reyndum okkar besta,“ sagði Malcolm Walker, stofnandi Iceland í samtali við The Guardian.