today-is-a-good-day

Skora á Framsókn að endurskoða verndartolla

Heimdallur, félag ungra sjálfstæðismanna í Reykjavík, skorar á þingflokk Framsóknarflokksins að beita sér í auknum mæli fyrir lækkun matarskatta. Þetta kemur fram í ályktun sem félagið sendi frá sér rétt í þessu.

Í ályktuninni kemur fram að fjölmargir þingmenn Framsóknarflokksins hafi gagnrýnt fyrirhugaða hækkun á virðisaukaskatti sem snertir matvörur. „Þá hafa þeir beitt fyrir sér rökum í líkingu við, að hátt matarverð bitni á fjárhag heimilanna. Heimdallur tekur undir gagnrýni fulltrúa Framsóknar, en hvetur þá til að beita eigin rökum á landbúnaðarstefnuna sína.“

Framsóknarflokkurinn styður háa verndartolla á innfluttum matvælum í því skyni að vernda íslenskan landbúnað. Þessir háu tollar hækka verð á matvælum og minnka ráðstöfunartekjur heimilanna og gera því fjölskyldum erfiðara með að ná endum saman um hver mánaðarmót. Lækka mætti verð á matvælum stórlega með afnámi verndartolla og ýmissa gjalda.

Auglýsing

læk

Instagram