Myndasöguhöfundurinn Stan Lee er látinn, 95 ára að aldri en hann skapaði margar af ástsælustu ofurhetjum Marvel. Hann skapaði til að mynda ofurhetjur á borð við Spiderman, Iron Man, Hulk sem og ofurhetjusveitirnar The Avengers og X-Men svo dæmi séu tekin.
Lee andaðist á hjúkrunarheimili í Los Angeles fyrr í morgun en hann hafði átt við veikindi að stríða undanfarin ár.