Stúlka kynnti skólaverkefni á nærfötunum eftir að kennari skammaði hana fyrir óviðeigandi klæðaburð

Auglýsing

Letitia Chai nemandi við Cornell University í Ithaca, New York, klæddi sig úr fötunum í miðjum fyrirlestri til að sýna sína mótstöðu gegn kúgandi skoðunum og mismunun. Chai ákvað að kynna lokaverkefnið sitt á nærfötunum eftir að kennarinn hennar sagði við hana í miðjum æfinga fyrirlestri að stuttbuxurnar hennar væru einfaldlega of stuttar. Chai skrifaði á Facebook síðu sinni að kennarinn hafi sagt hana vera að bjóða strákunum upp á það að stara á hana og trufla þá, því nú væri erfiðara fyrir þá að einbeita sér að fyrirlestrinum. Chai hafi ekki vitað hvernig hún ætti að bregðast við athugasemdunum og þótti þetta óþægilegt.

Chai sagði í viðtali að eftir að hún hafi yfirgefið kennslu stofuna hafi kennarinn hennar komið upp að henni og spurt hana hvað móður hennar myndi finnast um klæðaburð hennar. Chai svaraði því að móðir hennar væri kynjafræðingur og femínisti svo að hún væri ansi viss um að henni þætti hann allt í lagi.

Chai ákvað því að mótmæla og bað aðra um að mótmæla með sér á fyrirlestrinum sjálfum með því að kynna á nærfötunum. Margir tóku þátt  og var atburðurinn tekinn upp og settur á facebook. Chai sagði marga áhugaverða hluti í kynningunni sinni og var nær tárum mest allan tímann. Enda tekur mikið hugrekki að tala um viðfangsefnið og hvað þá heldur að kynna á nærfötunum fyrir framan stóran hóp af fólki. Hún sagði meðal annars :  “I am more than Letitia Chai, I am more than a Woman, I am a human being” eða “Ég er meira en Letitia Chai, ég er meira en kona, ég er manneskja”. Þar á hún líklegast við að fólk eins og kennarinn hennar ætti ekki að dæma hana út frá því hvernig hún klæðir sig heldur fyrir það hver hún er. Þetta er sama mál eins og til dæmis druslugangan berst fyrir en athugasemdir í klæðaburð kvenna og druslu skömmun er og skal aldrei vera í lagi. Chai sagði einnig: “I ask you to take this next step, rather this next strip in our movement” eða ” ég vil biðja ykkur um að taka næsta skref, eða heldur stryppa niður fyrir hreyfinguna okkar”.

Auglýsing

læk

Ummmmm...

Instagram