today-is-a-good-day

Svona lítur Aron Einar út án skeggs: „Skeggið er farið — ég lít aftur út fyrir að vera ungur“

Aron Einar Gunnarsson, fyrirliði íslenska karlalandsliðsins í fótbolta, rakaði í gær af sér heimsfræga alskeggið sem vakti gríðarlega athygli á Evrópumótinu í Frakklandi í sumar.

Í viðtali í Brennslunni í gær sagði Aron að það hafi verið kominn tími á þetta. „Ég var búinn að vera með skeggið í ár. Þetta er orðið vel þreytt,“ sagði hann.

Aron verður því skegglaus þegar Cardiff mætir Fulham í ensku 1. deildinni í dag. Hann hefur birt mynd af sér skegglausum á Instagram og þegar athugasemdirnar eru skoðaðar sést að skiptar skoðanir eru um skeggleysið hjá aðdáendum kappans.

Auglýsing

læk

Instagram