Grínfrétt vefsíðunnar Clickhole, um að Teslan sem Elon Musk skaut út í geim í febrúar síðastliðnum hafi hrapað til harðar og lent á baráttukonunni Malölu Yousafzai vakti mikla athygli í gær. Svo mikla að Elon og Malala lentu í spjalli á Twitter.
Tilefni gríns Clickhole er slæm umfjöllun um Elon Musk undanfarið. Tesla hefur mátt þola gagnrýni fjölmiðla vegna slysa sem sjálfkeyrandi bílar fyrirtækisins hafa valdið og hefur Musk verið gagnrýndur fyrir aðstæður starfsmanna í verksmiðjum bílaframleiðandans. Í kjölfarið fór Musk mikinn á Twitter og gagnrýndi fjölmiðla harðlega fyrir umfjallanir sínar.
Malala vakti heimsathygli árið 2012 þegar hún var skotin í höfuðið í árás Talibana í heimalandi sínu, Pakistan, vegna baráttu sinnar fyrir menntun stúlkna og ungmenna í landinu. Hún fékk svo Friðarverðlaun Nóbels í kjölfarið árið 2014.
„Áfram slæm fjölmiðlaumfjöllun fyrir Elon Musk: Teslan sem hann skaut út í geim hrapaði aftur til jarðar og kramdi Malala Yousafzai“ sagði fyrirsögn Clickhole. Fréttin reyndist ekki vera sönn enda verður að teljast ólíklegt að þessi atburður myndi gerast í alvöru.
More Bad Press For Elon: The Car Elon Musk Launched Into Orbit Has Fallen Back Down To Earth And Crushed Malala Yousafzai https://t.co/9nx6RN9CLZ pic.twitter.com/AeyfXLRfu7
— ClickHole (@ClickHole) May 30, 2018
Musk, sem þykir ansi sniðugur á Twitter, lék sér þó með fréttina og sagði þetta „heljarinnar viku“.
Hell of a week https://t.co/jKsfykkG55
— Buff Mage (@elonmusk) May 31, 2018
Stuttu seinna svaraði Malala sjálf tísti Musk og vitnaði í söngtexta frá Adele: „Halló, að handan“
Hello from the other side ? @elonmusk https://t.co/pRTnyptZ1N
— Malala (@Malala) May 31, 2018
Að endingu sagðist hún ætla að halda bílnum enda Tesla bílar mjög vinsælir. Þessi orðaskipti vöktu mikla athygli hjá notendum Twitter og einn notandi sagði þetta vera samskiptin sem heimurinn þarf á að halda í dag
This is the dialogue that the world needs right now
— Phillip Wilkins (@pkwilkins) May 31, 2018