https://www.xxzza1.com

Þunglyndislyfjanotkun Íslendinga vekur heimsathygli: „Við erum hamingjusamasta þjóð í heimi þannig að lyfin hljóta að virka“

Al Jazeera, ein stærsta sjónvarpsfréttastöð í heimi, frumsýndi á dögunum þátt sem var helgaður þunglyndislyfjanotkun Íslendinga. Forsvarsmenn þáttarins „Mindset“ komu hingað til lands síðasta sumar og tóku viðtöl við fjölda Íslendinga þar sem reynt var að svara þeirri spurningu hvers vegna notkun á þunglyndislyfjum væri jafn mikil hér á landi og raun ber vitni.

„Ísland er þekkt fyrir stórkostlegt landslag, fámenna þjóð, langa vetur – og mikla notkun þunglyndislyfja. Töflur eru um sjö sinnum ódýrari en meðferð og auðveldari aðgengi, sem stuðlar að því að landið er með hæsta hlutfall þunglyndislyfja í Evrópu. En heimamenn segja að lyfjameðferð sé engin töfralausn, þar sem dýpri mál innan samfélags og geðheilbrigðiskerfis á Íslandi séu enn óleyst,“ segir í inngangi þáttarins sem einblínir á geðheilbrigði úti um allan heim.

Þeir Íslendingar sem koma fram í þættinum benda á að heilbrigðiskerfið sé ónýtt – hér sé mikið um langa biðlista og að læknar reyni að leysa vandamálin með lyfjum í stað þess að komast að rót vandans. Ansi athyglisverður þáttur sem vert er að horfa á. Rúmar 2.1 milljón manna hafa horft á innslagið á myndskeiðavefnum YouTube en það var birt á vefnum þann 14. janúar eða fyrir þremur vikum síðan.

Hér fyrir neðan má sjá innslag Al Jazeera um Ísland og þunglyndislyfin.

 

Auglýsing

læk

Instagram