Hráefni:
- 2 kg lambalæri
- Salt og pipar
- 1.5 msk ólívuolía
- 1 heill hvítlaukur, skorinn í tvennt þvert á geirana
- 1 laukur, skorinn í fernt
- 2 rósmarín stilkar
- 750 ml nautasoð
- 500 ml vatn
Aðferð:
1. Hitið ofninn í 170 gráður með viftu/150 gráður án viftu
2. Setjið hvítlaukinn, laukinn og rósamarín stilka í eldfast mót. Leggið lambalærið ofan á og kryddið það rausnarlega með salti og pipar á báðum hliðum.
3. Dreifið smá ólívuolíu yfir og hellið næst nautasoði meðfram lambalærinu. Lokið þessu næst með álpappír. ( ekki nota lok, því það er gott að það nái að komast út smá gufa )
4. Setjið þetta í ofninn í 4 klst. Takið þetta þá úr ofninum og takið álpappírinn af. Setjið þetta aftur inn í ofninn í 40-45 mín. Leyfið lærinu að standa í nokkrar mín þegar það kemur úr ofninum og berið svo fram.