today-is-a-good-day

Kjötbollur í sveppasósu

Hráefni í bollurnar:

  • 2 dl brauðmylsna
  • 1 Egg
  • 1 tsk Oregano
  • 1 tsk Paprika
  • 3 hvítlauksgeirar rifnir niður
  • 1/2 dl parmesanostur
  • 550 gr nautahakk
  • Salt eftir smekk
  • 2 msk ólívuolía

Hráefni í sósuna:

  • 2 msk ólívuolía
  • 1 msk smjör
  • 2 hvítlauksgeirar rifnir niður
  • 1/2 laukur saxaður
  • 6 sveppir skornir í sneiðar
  • 2 msk hveiti
  • 3 dl nautasoð
  • 1 tsk þurrkað rósmarín
  • 1/2 tsk þurrkuð steinselja
  • ½ tsk Paprika
  • Salt og pipar eftir smekk
  • 1 dl rjómi

Aðferð:

1. Blandið saman í stóra skál öllum hráefnum í bollurnar. Mótið litlar bollur, ætti að duga í um 18 stk. Leggið til hliðar. Hitið 2 msk af ólívuolíu á pönnu og steikið bollurnar. Ekki hafa of margar á pönnunni í einu, gerið þetta frekar í skömmtum. Þegar bollurnar eru orðnar vel brúnaðar þá leggjum við þær til hliðar á disk eða fat.

2. Hitið 2 msk ólívuolíu+1 msk smjör á pönnu og steikið lauk og hvítlauk í um 3-4 mín. Bætið þá sveppunum á pönnuna og steikið áfram í um 2-3 mín. Hrærið þá hveitið saman við og steikið áfram í um 1 mín. Hellið þá nautasoðinu á pönnuna í skömmtum og hrærið stöðugt í á meðan. Setjið rósamarín, steinselju, papriku, salt og pipar í sósuna.

3. Þá fara steiktu kjötbollurnar í sósuna. Það má bæta meira nautasoði út í ef sósan er of þykk. Leyfið þessu að malla í um 10 mín. Hrærið þá rjómann saman við og takið af hellunni. Berið fram með kartöflum og sultu.

Auglýsing

læk

Instagram