Jú þeir gera leggina þína langa, en eru þeir virkilega allra gallanna virði? Fyrir utan það að hækka konu sem er í meðalhæð svo hún verður höfðinu hærri en allir aðrir á djamminu, eru þeir óþægilegir. Hér eru 5 verstu og stærstu gallarnir. Enjoy!
1. Ef þú ert blessuð með ofurkraftinum að geta gengið eðlilega í hælum, til hamingju! Ef þú átt í pínu erfiðleikum með að ganga á þeim og átt það jafnvel til að hrasa annað slagið – farðu úr þeim. Það er fátt sorglegra en kona sem skakklappast á háum hælum í bænum.
2. Það ætti að vera algild regla að ef þú dettur einu sinni á hælunum þínum – þá leggur þú þeim. Það að detta á hælum getur bæði verið stórhættulegt líkamlega og fyrir egó-ið.
3. Hælar eru sleipari en vejulegir skór. Fólk sullar meira en venjulega þegar það er á djamminu.
4. Þú munt stinga einhvern með þessum pinnum. Það er bara óumflýjanlegt. Ég fékk einu sinni hæl í ristina og ég efast um að ég muni nokkurntíma fyrirgefa það.
5. Verkurinn sem þú hefur í fætinum þegar þú loksins drullast úr hælunum…. úff!
