Það er alltaf gaman þegar fólk giftir sig en hjónabandið gengur ekki alltaf upp. Oftast er það erfitt og leiðinlegt þegar svoleiðis gerist en alls ekki alltaf.
Katlynn Mckee skildi við manninn sinn og varð rosalega hamingjusöm. Þau vorum búin að vera saman í tíu ár en gift í fjögur. Þau kynntust þegar hún var 16 ára gömul en hún segir að þau hafi bara vaxið í sundur.
„Við vorum alls ekki í hamingjasömu sambandi svo þessi skilnaður þurfti að gerast. Um leið og við skildum fannst mér ég vera frjáls. Mér fannst líka góð hugmynd að kveikja í brúðarkjólnum til þess að frelsa mig alveg frá þessu hjónabandi“. – Katlynn Mckee
Þau hjón réðu á sínum tíma ljósmyndara til að taka brúðkaupsmyndirnar og Katlynn gerði það sama þegar hún kveikti í kjólnum.
