Hin 27 ára gamla Aleira Avendaño hefur öðlast viðurnefið Latínu Barbí eftir að hafa farið í sirka 25 lýtaaðgerðir á níu árum – þar af fjórar brjóstaaðgerðir, sex sinnum í fitusog, þrjár nefaðgerðir og nýjar tennur.
Aleira er frá Venesúela og hún er stolt af viðurnefninu – og hefur einnig látið fjarlægja úr sér rif til að fá hið fullkomna „gítar-lúkk“.
„Allar konur ættu að fara í lýtagerðir til að líta betur út,“ segir Aleira.
Og ef til vill þarf ekki að taka fram að sú skoðun endurspeglar ekki mat þjóðarinnar – né heldur það sem æskilegt er til að finna hamingju í lífinu.
