Fyrstu kynni eru mjög mikilvæg og það hefur verið sannað að strax á fyrstu 5 sek ertu búin/n að mynda þér skoðun á manneskjunni sem þú varst að hitta.
Hér er listi yfir 5 atriði sem konur taka fyrst eftir hjá karlmönnum:
#1 Bros
Bros er eitt af því fyrsta sem konur taka strax eftir. Breitt og fallegt bros er mjög aðlaðandi því það sendir frá sér merki um öryggi og hamingju. Svo er bros bráðsmitandi! Þeir sem brosa mikið smita aðra í kringum sig af gleði – þannig að brostu eins mikið og þú getur.
#2 Augu
Augnaráðið segir mjög mikið um mann. Að horfa í augun á manneskju sem þú ert að tala við sýnir að þú berð virðingu fyrir henni. Þú ert áhugasamur og öruggur með þig. Augun eru líka góð til að daðra með – langt dáleiðandi augnaráð eða blikk segir allt sem segja þarf.
#3 Lykt
Konur eru mjög næmar á lykt og finnst fátt eins óaðlaðandi og maður sem lyktar eins og sveitt ostapopp með táfýlu. Það er enginn að tala um að þú þurfir að sturta þig nokkrum sinnum á dag – ef þú ert snyrtilegur og notar góðan rakspíra þá ertu í góðum málum.
#4 Handleggir
Margar konur eru veikar fyrir handleggjum. Karlmenn eru miklu stæltari en konur að eðlisfari og sterkir handleggir vekja öryggistilfinningu hjá konum – sem er sennilega eitthvað frá því að við vorum hellisbúar, þegar karlmenn sáu um að veiða mat og vernda fjölskylduna …
#5 Rass
Það gæti komið sumum á óvart en flestar konur tékka á rassinum á karlmönnum þegar tækifæri gefst. Konum finnast nefninlega rassar ekkert síður sexý en karlmönnum.