Hinsegin dagar verða haldnir dagana 2.til 7. ágúst í Reykjavík. Hluti af hátíðinni er útgáfa á Gay Pride lagi.
Lagið í ár kallast „Við getum sameinast“ og er það samið af hljómsveitinni Setpember. Hljómsveitina skipa Andri Þór, Birgir Steinn og Eyþór Úlfar. Bjartmar Þórðarson flytur lagið sem má heyra hér fyrir neðan.
Á vefnum Gay Iceland kemur fram að textinn fjalli um það hvernig við getum sameinast á sviði hamingju, því við erum öll eins – öll jöfn. „Við vildum að lagið hefði dass af Eurovision fíling en væri samt ekki allt í gegn týpískt Eurovision lag,“ segir Eyþór Úlfar í viðtali á vefnum Gay Iceland.
Hápunktur hinsegin daga í Reykjavík er Gleðigangan sem fer fram laugardaginn 6.ágúst klukkan 14. Þar má fólk eiga von á því að heyra lagið sjálft í flutningi Bjartmars. Hátíðinni lýkur síðan með sögukvöldi á sunnudeginum.