Leikarinn Ari Freyr Ísfeld Óskarsson var fenginn í það hlutverk að kenna stórstjörnunum Will Ferrell og Rachel McAdams íslensku fyrir væntanlega Eurovision kvikmynd. Ari greindi frá þessu á Twitter.
Hann segir í samtali við Vísi.is að hann hafi verið fenginn til þess að kenna leikurunum íslenskan framburð en þau munu bæði leika íslenska Eurovision-keppendur í Netflix myndinni um Eurovision. Ari segir að bútur af lagi í myndinni sé á íslensku og leikararnir hafi þurft aðstoð við réttan framburð.
Hann segir að R-in hafi reynst þeim erfiðust sem og Þ-hljóð íslenskunnar.
Í gær hitti ég Will Ferrell og Rachel McAdams til að kenna þeim íslensku.
Í dag er ég í svörtum jakkafötum og með byssu sem er búin til pappa og límbandi— Ari Isfeld Oskarsson (@ariisfeld) July 31, 2019