Nútíminn gerði á dögunum samstarfssamning við framleiðslufyrirtækið Skot um framleiðslu á myndböndum. Við erum búin að framleiða allskonar myndbönd og það er tilvalið að renna yfir þau nú þegar Almannavarnir vilja að við séum inni.
Hér fyrir neðan eru sex frábær myndbönd til að stytta ykkur stundirnar.
▶️ Nútímafólk með Örnu Báru
Fyrirsætan Arna Bára Karlsdóttir segist alltaf hafa verið með rosalega stóra drauma og langað að gera rosalega mikið í lífinu.
▶️ Þegar Kristín fór á sjálfkeyrandi bíl upp í Mosó
Nýjasta uppfærslan í Tesla-rafbílnum er nokkurs konar sjálfstýring. Ansi magnað. Kristín Pétursdóttir, útsendari Nútímans, tók sénsinn og lét bílinn keyra sig frá miðborginni upp í Mosfellsbæ og til baka.
▶️ Eva kynnti sér mínimalíska lífsstílinn
Þúsundir eru hópi áhugafólks um mínimalískan lífsstíl á Facebook. Hópurinn hefur vaxið gríðarlega hratt og virðast sífellt fleiri vilja einfalda líf sitt með því að eiga aðeins það sem gefur lífinu gildi.
▶️ Pétur prófað svifbretti í Kringlunni
Svifbrettin, sem svífa reyndar ekki, hafa verið bönnuð í New York. Þau sem eru gripin á slíkum brettum í borginni gætu þurft að greiða um sex þúsund króna sekt. Engin lög ná utan um brettin á Íslandi þannig að við sendum Pétur Kiernan, útsendara Nútímans, í Kringluna að prófa.
▶️ Þegar Steinar hitti Þorgrím Þráinsson
Eins og flestir vita þá er Þorgrímur á leiðinni í forsetaframboð á næsta ári. Steinar Ingi Kolbeins, útsendari Nútímans, hitti Þorgrím og spjallaði við hann um bókina og forsetaframboðið. Sjáðu viðtalið í spilaranum hér fyrir ofan.
▶️ Þegar enginn talaði hjá Loga
Hvað ef Logi Bergmann myndi fá til sín þrjá gesti sem myndu ekki segja orð? Það yrði einhvern veginn svona. Við tókum fyrir þátt Gísla Marteins um daginn og fólk varð því að fá Loga líka.