Flúrararnir Dagur Gunnar og Ólafur Laufdal eru mennirnir á bakvið fyrsta íslenska hlaðvarpsþáttinn sem er tileinkaður húðflúrum. Þátturinn fór í loftið á hlaðvarpsveitunni Brotkast fyrir nokkrum dögum en í þessum fyrsta þætti ræða þeir Dagur og Óli við listamanninn og flúrarann Jón Pál. Í þættinum fer hann ásamt þeim félögum yfir 30 ára feril sinn í bransanum.
Fyrsti þátturinn er í opinni dagskrá á YouTube og á öllum helstu hlaðvarpsveitum en fyrir þá sem vilja heyra og sjá alla þættina sem þeir Dagur Gunnar og Ólafur Laufdal koma til með að gefa út geta skundað inn á vefsíðu hlaðvarpsveitunnar Brotkast.
Hér er fyrsti þátturinn í fullri lengd…