Tónlistarkonan Lady Gaga snýr aftur á hvíta tjaldið í nýrri kvikmynd sem ber heitið House of Gucci. Myndin er byggð á sönnum atburðum og fjallar um hjónin Maurizio Gucci og Patriziu Reggian, en saman áttu þau hlut í tískuhúsinu Gucci.
Átakanleg saga þeirra hjóna inniheldur framhjáhald, svik og skilnað og endaði á því að Patrizia réði leigumorðingja til þess að ráða Maurizio af dögum árið 1995.
Lady Gaga fer með hlutverk Patriziu í kvikmyndinni og Adam Driver leikur Maurizio. Með önnur hlutverk í myndinni fara meðal annars Jared Leto, Salma Hayak, Al Pacino og Jack Huston. Leikstjórinn Ridley Scott leikstýrir.
Sjáðu sýnishorn úr House of Gucci hér að neðan.