Upplýsingafundur almannavarnadeildar ríkislögreglustjóra og embættis landlæknis hefst klukkan 11 í dag.
Á fundinum munu þau Alma Möller, landlæknir, og Þórólfur Guðnason, sóttvarnalæknir, fara yfir stöðu og framgang COVID-19 faraldursins hér á landi ásamt Víði Reynissyni yfirlögregluþjóni.
Páll Matthíasson forstjóri Landspítalans verður gestur fundarins. Þrír sjúklingar létust á Landspítalanum af völdum veirunnar á síðasta sólarhring og hafa nú alls 23 einstaklingar látið lífið hér á landi vegna COVID-19.