Ef þú átt banana sem eru farnir að dökkna þá er tilvalið að nota þá í bananabrauð. Því dekkri sem bananinn er, þeim mun betra og sætara verður brauðið. Brauðið er langbest nýkomið úr ofninum með vel af smjöri og klárast yfirleitt hratt.
Hráefni:
3 dl hafrar malaðir í matvinnsluvél eða með töfrasprota
2 þroskaðir stappaðir bananar
2 egg
8 döðlur maukaðar í potti með örlitlu vatni
1 tsk kanill
1/2 tsk matarsódi
1/2 tsk lyftiduft
1/4 tsk salt
Aðferð:
Allt hráefnið er sett í skál og hrært vel saman með skeið eða sleif. Blöndunni er síðan hellt yfir í mót og inn í 180 gráðu heitann ofn í c.a. 30 mín.