Bjarni Benediktsson forsætisráðherra fundaði nýlega með formanni og varaformanni Afstöðu en Afstaða er félag fanga og annarra áhugamanna um bætt fangelsismál og betrun.
Á Facebook síðu Afstöðu segir að fundurinn hafi haft þann tilgang að upplýsa ráðherra um stöðu mála í fangelsismálum Íslandi með áherslu á endurhæfingu og aðstandendur fanga.
Það er trú Afstöðu að ljóst sé að vandamál í fangelsiskerfinu verði ekki leyst undir stjórn eins ráðuneytis heldur þurfi fleiri ráðuneyti að koma að þessum málum svo vel sé að staðið.
Einnig segir að þrýst hafi verið á stjórnvöld að flýta breytingum á lögum um fullnustu og að styðja betur við hugmyndafræði Afstöðu þar sem markmiðið sé að fækka endurkomum í fangelsin.