„Ef þú horfir á virkni bóluefnisins, þá er vissulega eina landið sem ég held að hafi gefið út þessi gögn er Bretland – þ.e.a.s. umfangsmestu gögnin um þetta. Það var í janúar í fyrra, gögn sem tóku út Omicron-afbrigðið og þá var litið á hver ávinningurinn af bóluefninu var miðað við aldurshópa og jafnvel í mesta áhættuhópnum sem átti að njóta hvað mest góðs af bóluefninu þá þurfti að bólusetja 2500 manns eldri en 70 ára til að koma í veg fyrir að einn þeirra yrði lagður inn á sjúkrahús vegna COVID. Það þýðir að í besta falli er ávinningurinn einn á móti 2500 ef þú ert eldri en 70 ára. Ef við förum undir fertugt þá erum við að tala um að þú þyrftir að bólusetja yfir 150 þúsund manns,“ segir Dr. Aseem Malhotra sem er nýjasti gestur Spjallsins með Frosta Logasyni.
„Ég ráðlagði henni líka sérstaklega að þiggja ekki örvunarbóluefnaskammta og hún hlustaði á mig“
Malhotra er heimsþekktur breskur hjartalæknir sem á árum áður var ráðherrum í bresku ríkisstjórninni innan handar með ráðgjöf varðandi stefnur og lagasetningar í heilbrigðismálum. Hann leiddi á sínum tíma átak gegn sykri sem varð til þess að skattar á sykraða drykki í Bretlandi voru hækkaðir. Hann hefur á undanförnum árum verið að benda á að rannsóknir, sem stóru lyfjafyrirtækin létu sjálf gera á sínum eigin bóluefnum, hafi sýnt að skaðsemi vegna Covid bóluefna hafi verið meiri en ávinningurinn.
Há tíðni alvarlegra aukaverkana
Malhotra greinir einnig frá því í þessu viðtali að fyrrverandi forsetafrú Íslands, Dorrit Mousaieff, hafi vegna ráðgjafar hans afþakkað örvunarbólusetningar en Aseem Malhotra telur að engin manneskja hefði nokkurn tíman átt að taka þessi bóluefni og segir að ef óháðir aðilar hefðu tekið út rannsóknirnar í upphafi hefðu þau aldrei verið samþykkt á markað. Í viðtalinu fór hann yfir skaðsemi bóluefnanna til skamms tíma.
„Til skamms tíma, og aftur þetta er líklega vanmat því með tímanum er meiri skaði sem getur átt sér stað, en til skamms tíma…í upprunalegu rannsóknum Pfizer og Moderna voru endurgerðar af nokkrum af fremstu vísindamönnum í heims. Þeir birtu í ritrýnda tímaritinu Vaccine, áhrifamesta læknatímariti heims þegar kemur að bóluefnum. Og þeir fundu með því að endurgera gögnin ásamt nýjum gögnum frá Kanada og Lyfjastofnun Bandaríkjanna að tíðni alvarlegra aukaverkana þá sér í lagi lífsbreytandi atburðir, sjúkrahúsinnlögn eða fötlun var 1 á móti 800. Og þetta var reyndar endurtekið í Noregi þar sem þeir reyndar skoðuðu í raunheimum þar sem læknar gerðu greiningar jafnvel þrátt fyrir allt hugarfarið og hugmyndirnar um að þetta væri öruggt þá var næstum einn af hverjum 1000 með alvarlegar aukaverkanir eftir tvo skammta. Og þetta var mjög snemma í upphafi bólusetninganna. Þannig að þetta er líklega rétt til skamms tíma,“ segir Malhotra.
Krabbamein tóku sig upp aftur
Þá segir hann að einn fremsti krabbameinslæknir í heimi hafi séð fjölgun krabbameinsfruma og bakslag hjá sjúklingum sínum sem fengu örvunarbóluefnaskammt.
„Hann heitir Angus Dalgleish frá St. George‘s-sjúkrahúsinu í London: Mjög virtur, mikilsmetinn krabbameinslæknir og hefur skrifað kennslubækur um þessi mál og hann hefur verið mjög skýr að sannarlega hafi örvunarbólusetningar hjá hans eigin sjúklingum sem hafi verið í bata frá krabbameina að þá hafi orðið hröðun og bakslag meina vegna truflunar á ónæmiskrfinu sem við vitum að bóluefnin geta valdið sérstaklega þegar við tökum nokkur skot af þeim. Og vondu fréttirnar eru að þetta á líklega ekki bara við um örvunarbólusetningarnar. Þú skilur að fólk sem hefur bara fengið einn eða tvo skammta þá gæti áhættan bara aukist. Þetta er hræðilegt.“
Sagði Dorrit að láta fleiri skammta eiga sig
Malhotra kom hingað til lands árið 2016 til þess að taka þátt í ráðstefnunni „Food Loose“ en þá kynntist hann þáverandi forsetafrú landsins Dorrit Moussaieff. Þau spjölluðu mikið saman á ráðstefnunni og eru enn miklir vinir í dag. Þegar Dorrit þarf ráð varðandi eitthvað sem snýr að heilsu þá hringir hún í Malhotra.
„Hún treystir dómgreind minni fullkomnlega. Ég ráðlagði henni líka sérstaklega að þiggja ekki örvunarbóluefnaskammta og hún hlustaði á mig.“
Hér fyrir neðan er stutt brot úr viðtalinu en ef þú vilt horfa og hlusta á allt viðtalið þá getur þú gert það með áskrift að hlaðvarpsveitunni Brotkast.