Edda Björk Arnardóttir er komin með nýjan lögmann en það er Helga Vala Helgadóttir, fyrrum alþingismaður. Helga Vala hefur kynnt sér málið rækilega ef marka má viðtöl við hana en hún hefur ítrekað verið fengin til þess að gefa hlutlaust mat á máli Eddu Bjarkar í fjölmiðlum.
Helga Vala er sjötti lögmaður Eddu Bjarkar á aðeins tveimur árum en hún tekur við af Hildi Sólveigu Pétursdóttir sem nú hefur stöðu grunaðs í rannsókn lögreglu. Hildur Sólveig er talin hafa, ásamt öðrum, afvegaleitt yfirvöld og falið drengi Eddu Bjarkar fyrir lögreglu sem leitaði þeirra í nokkrar vikur á Íslandi.
Það sem vakti þó athygli í viðtalinu er hversu hlutdrægt það var – það ætti þó ekki að koma á óvart því fjölmiðlar á Íslandi hafa átt erfitt með að fjalla um málið hlutlaust.
Hinir sem liggja undir grun í málinu er unnusti Eddu Bjarkar, systir hennar og mágur og amma vinar sonar hennar en þar fannst yngsti drengurinn. Þau gætu verið ákærð vegna brots á 193. grein almennra hegningarlaga en þar segir að hver, sem sviptir foreldra eða aðra rétta aðilja valdi eða umsjá yfir barni, sem ósjálfráða er fyrir æsku sakir, eða stuðlar að því, að það komi sér undan slíku valdi eða umsjá, skal sæta sektum … 1) eða fangelsi allt að 16 árum eða ævilangt – sama brot og Edda Björk var ákærð og dæmd fyrir í Noregi.
Hlutdræg umfjöllun um Eddu Björk
Í fréttum Stöðvar 2 í gær var sýnt viðtal sem fréttakonan Lovísa Arnardóttir tók við Eddu Björk um brottnámið sem hún sagðist hafa skipulagt ein frá A til Ö. Það er í hrópandi mótsögn við dómstóla en í niðurstöðu þeirra kom fram að hún hafi átt sér vitorðsmenn sem væru fjáðir enda ekki á færi hvers sem er að leigja flugvél til þess að fljúga landa á milli. Það sem vakti þó athygli í viðtalinu er hversu hlutdrægt það var – það ætti þó ekki að koma á óvart því fjölmiðlar á Íslandi hafa átt erfitt með að fjalla um málið hlutlaust.
Þess ber að geta að Nútíminn bauð og hefur boðið Eddu Björk að greina frá sinni hlið á málinu en hún ekki þegið boðið.
Fréttastofa Stöðvar 2 hafði einnig samband við barnsföður Eddu Bjarkar vegna viðtalsins en honum voru sendar spurningar vegna málsins en þær sýna það á svörtu og hvítu hversu hlutdrægir fjölmiðlar hafa verið í umfjöllun sinni. Þær virðast hafa verið samdar með það í huga að koma höggi á barnsföður Eddu Bjarkar. Þá er það einnig áhugavert að umrædd fréttakona hafi ákveðið að spyrja ekkert út í kolólöglegt sálfræðimat sem framkvæmt var á drengjunum hérna á Íslandi eða hver það hafi verið sem hafi faldi drengina hér á Íslandi.
Hér fyrir neðan eru spurningarnar sem sendar voru á barnsföður hennar. Dæmi hver fyrir sig.
1. Telurðu enn nauðsynlegt að halda þessari rannsókn til streitu á Íslandi þegar drengirnir eru komnir til þín og Edda búin að fá dóm í Noregi?
2. Hvernig sérðu fyrir þér samskipti drengjanna við Eddu og fjölskyldu sína á Íslandi?
3. Er það rétt að þú hafir bannað þeim að tala við mömmu sína og systkini frá því þeir fóru með þér út þann 21.desember?
4. Er það rétt að þú talir ekki við dætur þínar sem eru búsettar hjá Eddu?
5. Muntu fara fram á endurkomubann Eddu til Noregs?
6. Hvað hefur verið erfiðast við þetta allt?
7. Hvernig líður drengjunum núna?
8. Fannst þér refsingin nægileg sem Edda fékk?
Kennir föður um ákvörðun dómstóla
Þá gert út á það í viðtalinu að barnsfaðir Eddu Bjarkar komi í veg fyrir það að hún geti átt samskipti við drengina: „Ég fæ ekki að gera það. Ég er búin að reyna en ég fæ ekki leyfi til að gera það,“ segir Edda Björk en fréttakonan Lovísa spyr þá: „Er það þinn fyrrverandi sem leyfir það ekki?“ …og þá svarar Edda Björk: „Já, hann pabbi þeirra, hann leyfir það ekki,“ segir Edda Björk og tekur fram að það sé enn skýr vilji drengjanna að vilja búa á Íslandi.
Sálfræðingur skellti á blaðamann: Braut siðareglur með viðtali við drengi Eddu Bjarkar
Bæði Eddu Björk og fréttakonunni Lovísu hefur láðst að nefna að það var ekki ákvörðun barnsföður hennar að banna öll samskipti sem ekki væru undir eftirliti heldur var það ákvörðun dómstóla á nokkrum dómsstigum: „Dómurinn leit svo á að raunveruleg hætta var á því að hún myndi reyna að ræna drengjunum og flytja til Íslands. Þá mat dómurinn það einnig svo að ef hún myndi ræða við þá á íslensku gæti hún haft „eitrandi“ áhrif á hug drengjanna til föðurs síns. Þá er verndað eftirlit með umgengni hennar við börnin einnig rökstutt þannig að Edda Björk hafi endurtekið sýnt að hún beri ekki virðingu fyrir dómsúrskurðum,“ stendur í frétt Nútímans frá 5. desember en um var að ræða löggilda þýðingu á einum af þeim dómum sem fallið hafa um málið.
Í nýjasta dómnum sem féll í byrjun janúar í þingsréttinum í Noregi, þar sem Edda Björk var dæmd í 20 mánaða óskilorðsbundið fangelsi, stendur orðrétt:„Þó að drengirnir séu staddir í þróuðu landi eins og Íslandi, þá eru þeir útsettir fyrir stöðugu álagi og neikvæðum áhrifum af hálfu ákærðu. Skólinn hefur einnig upplýst að drengirnir eiga við verulegar áskoranir að stríða og að ákærða fylgist ekki með þeim á fullnægjandi hátt.“ – þetta er enn eitt dæmið um þá hlutdrægni sem ríkt hefur hjá fréttastofu Stöðvar 2 þegar það kemur að umfjöllunum um Eddu Björk.