Ágústa Eva ósátt með framkomu Löðurs: „Þegar maður er næstum því búinn að týna lífi sínu er það síðasta sem maður hugsar um að fá ó­keypis þvott“

Auglýsing

Í dag fer fram munnlegur málflutningur í máli sem Ágústa Eva Erlendsdóttir höfðaði á hendur bílaþvottastöðinni Löðri vegna atviks sem átti sér stað árið 2015. Þá lenti hún á milli stórrar hurðar á þvottastöðinni og húddsins á bílnum sínum. Ágústa segir í samtali við Fréttablaðið í gær að hún sé enn að díla við eftirköstin og muni alltaf gera.

Hurðin á þvottastöðinni þrýsti fast á líkama Ágústu og læknar segja að hún hafi verið hætt komin. Björn Þorvaldsson saksóknari var staddur á þvottastöðinni og kom Ágústu til bjargar. Ágústa segir í samtali við Fréttablaðið að samskiptin við Löður hafi ekki verið góð í kjölfarið og að hún hafi ákveðið nokkuð fljótlega að fara í mál við fyrirtækið.

Henni blöskraði framkoman og viðmótið hjá fyrirtækinu sem vildi reyna að loka málinu sem fyrst. Henni hafi verið boðið ókeypis þvottur í nokkur skipti og lítið hafi verið gert úr atvikinu.

„Þegar maður er næstum því búinn að týna lífi sínu er það síðasta sem maður hugsar um að fá ó­keypis þvott,“ segir Ágústa í Fréttablaðinu.

Auglýsing

Ágústa segir að afleiðingarnar hafi verið gríðarlegar fyrir hana, bæði líkamlega og andlega. Hún hafi fengið alvarlega áfallastreituröskun í kjölfar slyssins og geti í dag ekki tekið þátt í leik- eða söngsýningum sem krefjast líkamlegs álags.

Auglýsing

læk

Ummmmm...

Instagram