RÚV núll framleiðir nú grínsketsa sem eru byggðir á sönnum sögum úr íslenskum veruleika. Það er Guðmundur Felixson sem er handritshöfundur og leikstjóri þáttanna og segist hann gríðarlega spenntur fyrir þessari tilraun.
“Ég veit að það eru margar krassandi sögur þarna úti og ég hlakka til að vinna með þær og koma þeim í grínbúning. Það verður gaman að komast að dýpstu leyndarmálum Íslendinga.”
Fullrar nafnleyndar verður gætt, fyrir þá sem senda inn sína sögu, nema viðkomandi óski sérstaklega eftir því að nafn síns verði getið. RÚV áskilur sér einnig rétt til þess að gera vægar breytingar á sögum svo þær henti forminu betur.
Hér er hægt að senda inn sína sögu.