Gísli Freyr Valdórsson bloggaði fyrir nokkrum árum um að siðareglur stjórnmálamanna væru óþarfar. Gísli var sem kunnugt er leystur frá störfum á dögunum sem aðstoðarmaður Hönnu Birnu Kristjánsdóttur innanríkisráðherra þar sem hann verður ákærður í lekamálinu.
Lekamálið á eftir að leiða til lykta en færsla Gísla er engu að síður kaldhæðnisleg:
Ef menn ætla að brjóta lög þá stoppa siðareglur þá ekki. Það er hins vegar lögreglunnar og dómssóla að taka á slíku. Ef stjórnmálamenn ætla að stunda „ósiðlegt“ athæfi – hvað sem kann að verða – eru engar siðareglur að fara að stoppa það. Það er hins vegar fjölmiðla og kjósenda að dæma.
Færsluna má lesa hér fyrir neðan:
