Sacha Baron Cohen skellti sér í dulargervi Ali G á Twitter síðu sinni í gær þegar að hann sendi Donald Trump forseta Bandaríkjanna opið bréf. Cohen rifjaði einnig upp viðtal sem hann tók við Donald Trump sem Ali G fyrir nokkrum árum.
Í bréfinu hrósar Ali G Trump fyrir að vera orðinn alvöru óþokki og „gangster”. Hann hrósar honum einnig fyrir að stunda kynlíf með klámstjörnum en spyr afhverju hann sé að reyna að fela það með því að borga þeim peninga.
Sjá einnig: Trump sagður hafa pungað út 13 milljónum fyrir þögn fyrrverandi klámstjörnu
— Sacha Baron Cohen (@SachaBaronCohen) August 23, 2018
Sacha Baron Cohen er þekktur fyrir skrautlegar persónur sínar en ásamt því að leika Ali G leikur hann meðal annars Borat og Bruno. Það nýjasta úr smiðju Cohen er þáttaröðin Who Is America? en þar hefur hann meðal annars platað ráðamenn til þess að mæla með byssum fyrir leikskólabörn. Þá sagði bandaríski repúblikaninn Jason Spencer af sér embætti ríkisþingmanns eftir hegðun sína í þættinum.