Bjarni Benediktsson, fjármálaráðherra, tjáði sig um uppþvottaburstamálið mikla á Twitter í dag. Hann segir það mikilvægt að sinna öryggiseftirliti á alþjóðaflugvell og að sjá mann með uppþvottabursta í stað hljóðnema sé dálítið fyndið en ekki móðgun.
Sjá einnig: Örskýring: Hvers vegna eru Tyrkir brjálaðir út af uppþvottabursta?
Tyrkneska landsliðið í fótbolta lenti á Keflavíkurflugvelli í gærkvöldi en liðið mætir því íslenska í undankeppni Evrópumeistaramótsins á morgun. Tyrkirnir kvörtuðu yfir óþarflega mikilli öryggisgæslu og vegabréfaeftirliti ásamt því að allt varð brjálað vegna blaðamanns sem notaði uppþvottabursta í stað hljóðnema þegar hann tók viðtal við fyrirliða liðsins.
„Ég reiðist ekki þegar erlent tungumál er þýtt á ensku í stað íslensku. Fótbolti snýst um gleði og skemmtun. Áfram Ísland!“ segir Bjarni.
Sjá einnig: Segir fullyrðingar Tyrkja um biðina á flugvellinum stórlega ýktar: „Virðist ekki hafa verið óeðlilegt“
Að sinna öryggiseftirliti á alþjóðaflugvelli finnst mér skipta máli. Að sjá mann með uppþvottabursta í stað hljóðnema dálítið fyndið en ekki móðgun. Ég reiðist ekki þegar erlent tungumál er þýtt á ensku í stað íslensku. Fótbolti snýst um gleði og skemmtun. Áfram Ísland!
— Bjarni Benediktsson (@Bjarni_Ben) June 10, 2019
Tyrkir hafa herjað á Íslendinga á samfélagsmiðlum og þúsundir skilaboða hafa borist íþróttafréttamönnum og öðrum. Tyrkirnir eru þegar farnir að bregðast við tísti Bjarna og senda honum misskemmtileg skilaboð í gegnum Twitter.
Sjá einnig: Íslendingar á Twitter tjá sig um uppþvottaburstamálið: „Verður varla leyst nema í næstu Eurovision-keppni“
KES LAANN AQQ OGGGLUU pic.twitter.com/qI4w66ijT1
— Zeljko. (@ELPatronZeljko) June 10, 2019