Caitlyn Jenner segist sjá eftir því að hafa stutt Donald Trump í forsetakosningum Bandaríkjanna fyrir tveimur árum. Washington Post birti í dag grein eftir Jenner sem segir að hún hafi haft rangt fyrir sér varðandi stuðning Trumps við réttindi hinsegin fólks í Bandaríkjunum.
Jenner segir að Trump hafi ekki staðið við orð sín um að standa vörð um réttindi hinsegin fólks í Bandaríkjunum. Hún segir forsetann standa í stöðugum árásum gegn transfólki og sakar hann um að hafa notað transfólk sem peð í pólitískri refskák sinni.
„Því miður hafði ég rangt fyrir mér. Ég stuð ekki Trump, ég verð að læra af mistökum mínum og líta fram á veginn,“ segir Jenner.
Í greininni segir Jenner að áform heilbrigðis- og félagsmálaráðuneyti Bandaríkjanna um ákveðin lög sem segja að kyn manna verði einungis tvö og verði ákvörðuð út frá þeim kynfærum sem fólk fæðist með vera enn eina árás bandarískra stjórnvalda á réttindi transfólks.
Hún fordæmir einnig ákvörðun Trumps um að banna transfólk í hernum og gagnrýnir hann fyrir að afturkalla reglugerðir Baracks Obama um öryggi transfólks í bandarískum skólum.
.@realDonaldTrump pic.twitter.com/JdZn1zCQmg
— Caitlyn Jenner (@Caitlyn_Jenner) October 22, 2018