Tónlistarfólkið Camilla Cabello og Shawn Mendes hafa lengi verið vinir en nú eru þau eitthvað aðeins meira en bara vinir! Grunsemdir hafa lengi legið í loftinu um ástarsamband milli þeirra. Nú hefur dúóið staðfest þær sögusagnir því þau sáust kyssast á veitingastað í San Fransisco um daginn. Senorita söngvararnir hafa þekkst lengi og vinátta þeirra spannar því mörg ár.
Ónefnd manneskja sagði í viðtali við E! að unga parinu líði eins og þau hafi verið miklu lengur saman en þau hafa vegna þess hversu lengi þau hafa þekkst og hversu náin þau eru. Þau hafi svo lengi verið í lífi hvors annars að sambandið hefur þróast hratt á stuttum tíma en að allt sé að gerast náttúrlega. Cabello hefur sést á mörgum tónleikum hjá Mendes og öfugt. Þau eru greinilega mjög styðjandi við feril hvors annars og hafa meðal annars gefið út lagið Senorita saman. Senorita verður örugglega ekki síðasta lagið þeirra saman og það verður spennandi að fylgjast með þessu hæfileikaríka pari í framtíðinni.