Tónlistarmaðurinn Daði Freyr Pétursson var að gefa út nýtt lag og mynband. Lagið Skiptir ekki máli er fyrsta lagið af nýrri plötu sem hann vinnur í þessa dagana. Sjáðu myndbandið hér að neðan.
Myndbandið er stórskemmtilegt en það er tekið upp á góðviðris degi á Norðurgarði, sveitabæ fjölskyldu Árnýjar Fjólu, kærustu Daða Freys.
Í því keyrir hann meðal annars um jörðina á traktor, klappar hundum og heldur tónleika fyrir kýrnar á bænum en þær fara með stórt hlutverk í myndbandinu.
Daði leikstýrði myndbandinu sjálfur en Árný Fjóla og pabbi hans Pétur Einarsson sáu um kvikmyndatökuna og Magnús Øder hljóðblandaði.