Knattspyrnukappinn Gylfi Sigurðsson og Alexandra Helga Ívarsdóttir giftu sig um helgina. Brúðkaupið var hið glæsilegasta og hefur verið fjallað um það í enskum miðlum á borð við The Sun og Liverpool Echo.
Sjá einnig: Allar helstu myndirnar frá Brúðkaupi Gylfa og Alexöndru
Brúðkaupið var haldið við Como vatn á Ítalíu. Fjöldi íslenskra landsliðsmanna mætti í veislunna og dansað var fram á morgun undir atriðum frá skemmtikröftum á borð við Friðrik Dór og Jón Jónsson, Sóla Hólm, Aron Can og Herra hnetusmjör.
Í The Sun segir að Gylfi og Alexandra séu svar Íslands við David og Victoriu Beckham, sem eru ein frægustu hjón heims. Beckham sló í gegn sem fótboltamaður á sínum tíma og Victoria er þekkt tónlistarkona.