Karlmaður á fimmtugsaldri sem var að afplána dóm á Litla-Hrauni fannst látinn í klefa sínum í morgun. Páll Winkel, fangelsismálastjóri staðfesti þetta í samtali við mbl.is í dag.
Þar kemur fram að ekkert bendi til þess að andlátið hafi borið að með saknæmum hætti en lögreglan sjái um rannsókn á málinu. Aðstandendum hins látna hafi verið tilkynnt um andlátið.
Páll segir að um harmleik sé að ræða og að bæði vistmenn og starfsmenn á Litla-Hrauni séu harmi slegnir.