DV heldur áfram að birta ummæli úr upptökum sem náðust af þingmönnum Miðflokksins og Flokks fólksins á bar í miðbæ Reykjavíkur á mánudag. Á upptöku sem DV hefur undir höndum má heyra einn þingmann herma eftir sel þegar talið berst að Freyju Haraldsdóttur. Hægt er að hlusta á upptökuna á vef DV.
Sjá einnig: Þingmenn Miðflokksins töluðu með niðrandi hætti um íslenskar stjórnmálakonur á leynilegum upptökum
Ekki er ljóst hver hermdi eftir sel en Freyja segir í samtali við DV að hún nenni ekki að ræða hegðun þingmanna eða eyða orku í það. Hún segir þetta dæma sig sjálft og að hún vilji ekki fara niður á þeirra plan.
Á vef DV er haft orðrétt eftir þingmönnum:
Anna Kolbrún: Veistu það, ég hélt þú værir að auglýsa eftir Freyju Eyju áðan.
Gunnar Bragi: „Ég sagði bara KOMDU.“
Anna Kolbrún: „Nei, þú sagðir….[óskýrt] það er verið að kalla á okkur.
Sigmundur D: „Þessir tveir menn eiga það sameiginlegt að hafa sérstakan áhuga á tveimur konum, Freyju og …“
– Eyju.
Já.
Freyju.
Eyju.
Bergþór : Freyju Haraldsdóttur?
Já.
Já.
(Hljóð sem líkist væli í kóp)
Og Albertínu.
NEI.
-NEI.
Karl Gauti: Díses kræst, mar.
Sigmundur: Þetta eru konur sem sameinast í tvo menn.