Áður en leikur Rússlands og Englands hófst á Evrópumótinu í fótbolta í kvöld kom fólk inn á völlinn og stafaði nafn borgarinnar Marseille.
Það er allt gott og blessað fyrir utan að sá eða sú sem hélt á seinna E-inu sneri því vitlaust. Viðkomandi fékk eitt verkefni og klúðraði því!
Internetið hefur skemmt sér vel yfir mistökunum og myndin hér fyrir ofan hefur farið víða.