Íbúar Louisiana búa sig undir fellibylinn Barry

Auglýsing

Íbúar í Louisiana fylki í Bandaríkjunum búa sig nú undir fellibyl sem virðist vera að myndast í Mexíkóflóa. Götur New Orleans borgar eru nú þegar yfirfullar af vatni en dælukerfi borgarinnar hefur engan veginn undan vatnsflauminum sem byrjaði að myndast í kjölfar óveðurs sem gekk yfir borgina í gær.

CNN greinir frá því að yfirborð Mississippifljóts mælist sums staðar tæpum 4 metrum hærra en það var þegar fellibylurinn Katrína gekk yfir New Orleans og enn er búist við að það hækki um 1-1,5 metra og flæði þar með yfir varnargarða. Þetta yrði í fyrsta skipti í 90 ár sem yfirborð fljótsins mælist yfir 6 metrar þar í borg.

Þegar fréttin er skrifuð hefur ástandið ekki náð stigi hitabeltisstorms, en fastlega er gert ráð fyrir að það gerist á næsta sólarhring. Samkvæmt CNN eru aðstæður fullkomnar til þess að stormurinn, sem þá yrði kallaður Barry, vaxi og nái landi sem fellibylur á laugardagsmorgun. Gerist það yrði óvenjuhátt yfirborð Mississippifljóts sem eldsneyti fyrir Barry.

Auglýsing

læk

Ummmmm...

Instagram