Tónlistarmaðurinn Ingólfur Þórarinsson sló fyrst í gegn hér á landi fyrir um 11 árum með laginu Bahama sem hefur síðan þá orðið ódauðlegur partur af íslenskri dægurlagamenningu. Ingólfur sem er betur þekktur sem Ingó Veðurguð gladdi aðdáendur sína í gær þegar hann greindi frá því á Instagram að hann væri nú loksins kominn til Bahama eftir að hafa sungið um það 5 sinnum í viku, 52 vikur á ári, í 11 ár.
Hátt í þúsund manns hafa sett like við færslu Ingó sem virðist njóta lífsins í sólinni á Bahama. Hér að neðan má sjá færslu Ingó og hlusta á lagið.