Ný ísbúð í Hveragerði fær ekki leyfi til þess að nota nafnið Eden. Meirihluti bæjarstjórnar Hveragerðisbæjar neitaði beiðni frá eigendum ísbúðarinnar vegna notkunar á nafninu.
Ástæðan er sú að rekstur ísbúðarinnar sé ekki í þeim anda sem fólk tengi almennt við Eden. Það sé þó jákvætt og þarft að nú hafi verið opnuð ný ísbúð í bænum.
Bæjarstjórn bæjarins barst einnig erindi frá Gísla Steinari Gíslasyni sem mæltist til þess að nafnið færi ekki til annars aðila meðan áformað væri að á lóð tívolísins í Hveragerði risi verslunar- og þjónustukjarni, sem haldið gæti nafninu Eden á lofti.
Hveragerðistbær hefur átt vörumerkið Eden frá árinu 2010 og er það skráð hjá Einkaleyfastofu. Áætlunin hefur alltaf verið að vörumerkinu verði haldið í Hveragerði og það verði notað ef starfsemi sem líktist þeirri sem áður var í Eden yrði komið á laggirnar. Bærinn keypti nafnið Eden eftir að gróðrarstöðin brann árið 2011.