Sjónvarpskokkurinn Jamie Oliver kom til Íslands í síðustu viku og sást meðal annars borða á Sægreifanum og Grillmarkaðnum. Oliver birti mynd af sér í morgun með norðurljósum á himninum í baksýn og var hann gríðarlega ánægður með upplifunina.
„Fékk að sjá norðurljósin á Íslandi,“ segir Jamie Oliver í skilaboðum til aðdáenda sinna á Facebook.
Ég og Jools [eiginkona hans] vorum að elska þetta. Það var svolítið erfitt að finna þau vegna þess að máninn var hátt á lofti en þetta var mjög falleg sjón og skemmtileg upplifun.
Oliver birti einnig hina myndina hér fyrir ofan á Facebook.