Lögin af plötunni GerviGlingur með Króla og Jóa P hafa raðað sér í átta efstu sætin á listanum yfir mest spiluðu lögin á Spotify á Íslandi. Á listanum eru tekin saman mest spiliði lögin á Íslandi þessa stundina og er hann uppfærður daglega.
Sjá einnig: JóiPé og KRÓLI eiga heitasta lag landsins og senda frá sér plötu: „Okkur þykir vænt um þessa plötu“
Króli og Jói P slógu í gegn í byrjun vikunnar með laginu B.O.B.A og sendu svo í gær frá sér plötuna GerviGlingur. Lögin falla greinilega vel í kramið hjá tónlistarunnendum sem hafa hlustað á þau í tugi þúsunda skipta.
Hér má sjá listann eins og hann lítur út í dag
Og Króli er ánægður með þetta
Ég vissi ekki að þetta væri hægt! takk takk takk og aftur takk! ég er í sjokki pic.twitter.com/f20qxaIZfU
— Króli🍍 (@Kiddioli) September 9, 2017
Kristinn Óli Haraldsson eða Króli eins og hann kallar sig sagði í samtali við Nútímann í vikunni að gríðarleg vinna hafi farið í gerð plötunnar. „Okkur þykir vænt um þessa plötu. Það fór massívur tími og massív orka í að gera hana,“ sagði hann.
