Lögreglan á höfuðborgarsvæðinu lýsir eftir Eddu Björk Arnardóttur vegna norrænnar handtökuskipunar. Nútíminn hefur fjallað ítarlega um mál Eddu Bjarkar og þegar hún rændi þremur börnum sínum í Noregi ásamt kærasta sínum en sá er talinn hafa fjármagnað glæpinn. Þá var rætt við Leif Runólfsson, lögmann föður drengjanna, sem var ómyrkur í máli þegar það kom að íslenskum stjórnvöldum. Núna virðist vera komin hreyfing á málið ef marka má fréttatilkynningu lögreglunnar á höfuðborgarsvæðinu.
Í henni kemur fram að lögreglan biðji þá sem kunna að hafa upplýsingar um hvar hana er að finna að hafa samband í síma 112.
Þá vekur lögreglan sérstaka athygli á því að það getur varðað fangelsi allt að einu ári að aðstoða aðila við að komast undan handtöku, með því að fela viðkomandi, hjálpa við að flýja eða segja rangt til um hvar viðkomandi sé.
Tilkynningin í heild sinni:
Lögreglan á höfuðborgarsvæðinu lýsir eftir Eddu Björk Arnardóttur vegna norrænnar handtökuskipunar.
Biður lögregla þau sem kunna að hafa upplýsingar um hvar hana er að finna að hafa samband í síma 112. Upplýsingum má jafnframt koma á framfæri í tölvupósti á netfangið 1716@lrh.is.
Athygli er vakin á því að það getur varðað fangelsi allt að einu ári að aðstoða aðila við að komast undan handtöku, með því að fela viðkomandi, hjálpa við að flýja eða segja rangt til um hvar viðkomandi sé