Uppistandshópurinn Mið-Ísland hélt óvænt uppistand fyrir íslenska landsliðið í Rússlandi í vikunni. Þeir fengu það verkefni frá KSÍ og Vodafone að koma strákunum á óvart og skemmta þeim. Vodafone sendi í gær frá sér myndband þar sem má sjá svipmyndir frá uppistandinu. Horfðu á myndbandið hér að neðan.
Mið-Ísland hópurinn var svo sannarlega til í verkefnið en Bergur Ebbi Benediktsson einn meðlimur Mið-Ísland segir í myndbandinu að ef KSÍ hefði beðið hann að koma með til Rússlands að smyrja samlokur hefði hann tekið því.
Sjá einnig: Dóri DNA veðjar 800 evrum á leik Íslands og Argentínu: „Fer í Louis Vuitton og kaupi mér eitthvað fallegt”
Halldór Halldórsson eða Dóri DNA segir að hann sé „Die Hard” aðdáandi liðsins og að hann horfi á EM og HM eins og hann horfi í augun á konunni sinni þegar hann vaknar á morgnanna.
Strákarnir okkar virtust ánægðir þegar þeir Björn Bragi, Dóri DNA, Bergur Ebbi og Jóhann Alfreð mættu á svæðið en eins og sjá má á myndbandinu skemmtu þeir sér vel.