Myndband sem norska konan Marit Dahl Sivertsen hlóð upp á Facebook síðu sína í byrjun vikunnar hefur slegið í gegn á netinu. Á myndbandinu, sem má sjá neðst í færslunni, má sjá Marit ná ísmolum úr svokölluðum ísmolapoka á afar einfaldan hátt.
Myndbandið birtist á mánudaginn og er nú komið með rúma eina og hálfa milljón í áhorf. Marit segir að hún hafi eytt 40 árum af ævi sinni í að opna slíka poka á rangan hátt.
„Í alvöru… Hversu margir vissu þetta?” skrifaði hún á Facebook.
Marit segir að hún hafi vanið sig á að þrýsta einum mola úr pokanum í einu líkt og margir aðrir en í þetta skipti hafi hún ákveðið að líta á leiðbeiningarnar og það borgaði sig heldur betur.