Páll Óskar Hjálmtýsson er himinlifandi með flutning Emmsjé Gauta á stórsmellinum Minn hinsti dans í undankeppni Eurovision á RÚV í gær. Gauti segir að það hafi ekki komið til greina að flytja neitt annað lag.
Gauti segist á Facebook-síðu sinni vera mjög ánægður með útkomuna á atriðinu, sem vakti mikla athygli. Hann þakkar fólkinu sem kom að atriðinu fyrir og lýkur færslunni á að þakka Páli Óskari fyrir að atriðið, sem fór í Eurovision fyrir Íslands hönd árið 1997 og margir vilja meina að hafi breytt keppninni til frambúðar.
Páll Óskar segist elska Gauta í athugasemd við færsluna. „Núna elska ég þig bara aðeins meira,“ segir hann.
Hvílíkur heiður að þú hafir talið í þetta lag. Það eru ekki margir sem kóvera lögin mín (hvernig sem á því stendur), svo ánægjan er gríðarleg hérna megin.
Páll Óskar segir fallegt að texti lagsins öðlist nýtt. „Þú meintir hvert einasta orð, eins og textinn ætti betur við í dag en hann gerði á sínum tíma,“ segir hann. „Nú þarf ég bara að svara þessu fallega noddi og telja í Reykjavík er okkar.“