Ragnhildur Steinunn Jónsdóttir og Viktoría Hermannsdóttir vinna nú að nýjum þáttum um samfélagsmiðlastjörnur landsins. Skot framleiðir þættina sem verða sýndir á RÚV.
Sólrún Diego, Guðrún Veiga og Aron Mola eru á meðal þeirra sem tekin verða fyrir í þáttunum. Þúsundir fylgjast með lífi þeirra og störfum á Snapchat og Instagram.
Ragnhildur Steinunn segir í samtali við Nútímann að tökur á þáttunum séu að hefjast. „Við skyggnumst meðal annars inn í líf Sólrúnar Diego,“ segir hún.
Hún hefur byggt sér upp feril á þessum nýja miðli. Tugir þúsunda fylgjast með henni daglega. Þetta er ótrúlega spennandi heimur.
Þættirnir verða sex talsins.