Sóttvarnalæknir segir vel komi til greina að leyfa samkynhneigðum karlmönnum að gefa blóð, að því skilyrði að þeir hafi ekki stundað kynlíf í sex mánuði. Þetta kemur fram í svari sóttvarnarlæknis til velferðarráðuneytisins frá því fyrr í sumar. Það er Rúv sem greinir frá þessu.
Fram kemur í svari sóttvarnarlæknis að reynsla og áhættumat annarra þjóða sýni að með vandaðri skimun blóðs sé lítil sem engin hætta á smiti í gegnum blóð.
Í frétt Rúv um málið kemur einni fram að frá og með næstu áramótum fá samkynhneigðir karlmenn leyfi til þess að gefa blóð í Danmörku. Með því skilyrði að hafa ekki stundað kynlíf með öðrum karklmönnum í fjóra mánuði áður en blóð er gefið.